பயணி நடுவானில் உயிரிழப்பு

கள்ளக்குறிச்சி மாவட்டம், சங்கராபுரத்தை சேர்ந்தவர் ராசாத்தி, 37. ஒன்றரை ஆண்டுகளுக்கு முன், மலேஷியா தலைநகர் கோலாலம்பூரில், ஹவுஸ் கீப்பிங் வேலைக்காக சென்றிருந்தார். நுரையீரல் பிரச்னை இருந்ததால், வேலையை விட்டுவிட்டு, சொந்த ஊருக்கு திரும்ப முடிவு செய்தார்.நேற்று மலேஷியாவில் இருந்து சென்னைக்கு, காலை 7:00 மணிக்கு வரும் இண்டிகோ விமானத்தில் பயணம் செய்தார். விமானம் நடுவானில் பறந்து கொண்டிருந்தபோது, ராசாத்திக்கு உடல் நல பாதிப்பு ஏற்பட்டது.விமானம் நேற்று காலை 7:00 மணிக்கு சென்னை வந்தது. விரைந்து வந்த மருத்துவ குழுவினர், ராசாத்தியை பரிசோதித்தபோது, விமானத்திலேயே உயிரிழந்து விட்டதாக தெரிவித்தனர். இதுகுறித்து, குரோம்பேட்டை போலீசார் வழக்கு பதிந்து, விசாரித்து வருகின்றனர்.