ADDED : செப் 30, 2026 09:21 PM
அ நிறம் | அளவு
பூந்தமல்லி: பூந்தமல்லி, அம்மான் நகரைச் சேர்ந்தவர் அருண், 34. ஜிம் பயிற்சியாளரான இவர், பூனை, கோழி உள்ளிட்ட செல்லப்பிராணிகளை வீட்டில் வளர்த்து வருகிறார்.
இவரது வீட்டு பூனை, நேற்று காலை காணவில்லை. எங்கு தேடியும் கிடைக்காத நிலையில், வீட்டின் பின்புறம் நாய்கள் ஓயாமல் குரைத்தன.
அங்கு சென்று பார்த்தபோது, பூனையின் கழுத்தை கயிற்றால் இறுக்கி கொன்று, ஒரு மரத்தில் தொங்கவிட்டதை பார்த்து அருண் அதிர்ச்சியடைந்தார். இதுகுறித்து பூந்தமல்லி காவல் நிலையத்தில் புகார் அளித்தார்.
அருணுக்கும், பக்கத்து வீட்டில் வசிப்போருக்கும் இடையே ஏற்கனவே முன்விரோதம் உள்ளது. இதன் காரணமாக பூனை கொல்லப்பட்டிருக்கலாம் என, போலீசார் சந்தேகிக்கின்றனர்.
