பெண்ணை மிரட்டிய ரவுடிகள் கைது

கீழ்ப்பாக்கம்: கீழ்ப்பாக்கம் ராணி அண்ணா நகரைச் சேர்ந்தவர் 47 வயது பெண். கணவர் இறந்த நிலையில், அதே பகுதியில் இளைய மகளுடன் 'டிபன்' கடை நடத்தி வருகிறார். கடந்த 13ம் தேதி, அதே பகுதியைச் சேர்ந்த ரவுடிகள் பரத்வாஜ், 26, மற்றும் ராஜீ, 19, ஆகியோர் இருசக்கர வாகனத்தில் வந்து கத்தியைக் காட்டி மிரட்டியதுடன், அவரது இளைய மகளையும் ஆபாசமாக திட்டினர். தொடர்ந்து 17ம் தேதி, பெண்ணின் மருமகன் சந்தோஷை தாக்கியதுடன், பெண்ணுக்கும், மகளுக்கும் கொலை மிரட்டல் விடுத்தனர். புகாரின்படி பரத்வாஜ், ராஜீ, அரவிந்த், 30, ஆகியோரை போலீசார் நேற்று கைது செய்தனர்.