இந்நிகழ்ச்சியை, 'சிம்ஸ் மருத்துவமனை, கிட்டீ பட்டீ, தனிஷ்க் ஜுவல்லரி, நிசான் ஆட்டோ ரிலே, மயில் மார்க் ஹோம் கேர் புரோடக்ட்ஸ், பூர்விகா' ஆகியோர் இணைந்து நடத்தினர்.

மக்களின் வரவேற்பையடுத்து, சென்னையில் பல்வேறு பிரபலமான அடுக்குமாடி குடியிருப்புகளில், இந்த நிகழ்ச்சி கோலாகலமாக நடந்து வருகிறது.

அந்த வகையில், சென்னை அருகே மாங்காட்டில் உள்ள,'அல்டிஸ் ஆஷ்ரயா' அடுக்குமாடி குடியிருப்பில், நேற்று காலை முதல் மாலை வரை 'தினமலர் கார்னிவெல் அப்பார்ட்மென்ட்' கொண்டாட்டம் நிகழ்ச்சி, கோலாகலமாக நடந்தது.

இதில், அடுக்குமாடி குடியிருப்புவாசிகள், குடும்பத்தினருடன் உற்சாகமாக பங்கேற்று மகிழ்ந்தனர். இதனால், அடுக்குமாடி குடியிருப்பு வளாகமே, விழாக்கோலம் பூண்டது.

இந்நிகழ்வில் கோலப்போட்டி, சமையல், உறியடி, மினிமாரத்தான், பாட்டு, நடனம் உள்ளிட்ட பல்வேறு போட்டிகள் நடந்தன. சிறுவர்கள் விளையாடுவதற்கு டாய் ரயில், இயந்திர காளை, ஜம்பிங் பலுான், கேலி சித்திரம், ஆடல், பாடல் உள்ளிட்ட நிகழ்வுகள் நடந்தன.

இதில், சிறுவர்கள் முதல் பெரியவர்கள் வரை அனைவரும் உற்சாகமாக பங்கேற்று மகிழ்ந்தனர். அனைத்துவித போட்டிகளிலும் வெற்றி பெற்றவர்களுக்கு பரிசுகள் வழங்கப்பட்டன.