சென்னை, பள்ளிக் கல்வித்துறை சார்பில், திருவொற்றியூர் குறுவட்ட அளவிலான பால்பேட்மிட்டன் போட்டிகள், ஜூலை 31 ல், எண்ணுார் - கத்திவாக்கம் அரசு மேல்நிலைப் பள்ளி மைதானத்தில் நடந்தது. இதில், ஆறு பள்ளிகளைச் சேர்ந்த அணிகள் பங்கேற்றன.

அதன்படி, 14, 17, 19 வயதுக்குட்பட்ட ஆண்கள் அணி; 14, 17 வயதுக்குட்பட்ட பெண்கள் அணிகள் என, கத்திவாக்கம் அரசு மேல்நிலைப் பள்ளியைச் சேர்ந்த, ஐந்து அணிகள், வெற்றி பெற்று முதலிடம் பிடித்தன.

இதன் வாயிலாக, இந்த ஐந்து அணிகளும், மாவட்ட அளவிலான போட்டிகளுக்கு தேர்வாகியுள்ளன. அபாரமாக விளையாடிய, பள்ளியைச் சேர்ந்த மாணவ - மாணவியரை, தலைமை ஆசிரியை அனிதா, உடற்கல்வி ஆசிரியர்கள் வெகுவாக பாராட்டினர்.