திருவொற்றியூர், காலடிப்பேட்டை - கல்யாண வரதராஜ பெருமாள் கோவில், 400 ஆண்டுகள் பழமையானது. சின்னகாஞ்சிபுரம் என்று அழைக்கப்படும் இக்கோவிலில், ஆண்டுதோறும், ராமநவமியை முன்னிட்டு, ஒன்பது நாள் கோதண்டராமர் உற்சவம் நடக்கும்.

அதன்படி, கோதண்டராமர் கர்ப்ப உற்சவம் இன்று துவங்குகிறது. மாலை, உற்சவர் ராமர் சந்திரபிரபை வாகனத்தில் எழுந்தருளி மாடவீதி உலா வருவார்.

விழா நாட்களில், அம்ச வாகனம், ஹனுமந்த வாகனம், நாக வாகனம், கருட வாகனம், யானை வாகனங்களில் எழுந்தருளிய நிலையில், ராமர் பல்வேறு அலங்காரங்களில் மாடவீதி உற்சவம் நடக்கிறது.

ஏப்., 4ல் முக்கிய நிகழ்வான திருத்தேர் உற்சவம், ஏப்., 6ல், சீதா திருக்கல்யாணம் மற்றும் ராமர் பட்டாபிஷேகமும் நடக்கிறது.

உற்சவ நிகழ்ச்சியில், ஆயிரத்திற்கும் மேற்பட்ட பக்தர்கள் குவிவர் என்பதால், விரிவான ஏற்பாடுகள் செய்யப்பட்டு வருகின்றன.