இந்திய வாள்வீச்சு சங்கம் சார்பில், தேசிய சப் - ஜூனியர் வாள்வீச்சு போட்டி, மணிப்பூர் மாநிலம், இம்பாலில் நடந்தது. இதில், அனைத்து மாநிலங்களையும் சேர்ந்த, 100-க்கும் அதிகமான வாள்வீச்சு வீரர்கள் பங்கேற்றனர்.

அந்த வகையில், ஆடவர் குழு பிரிவில், தமிழகம் சார்பில் போட்டியிட்ட சென்னை எஸ்.டி.ஏ.டி.,யின் சச்சின், 13, ஹாசன், 13 ஆகியோர், குழு அரையிறுதி போட்டியில் பஞ்சாப் அணியிடம், 25 - 45 என்ற புள்ளியில் வீழ்ந்தாலும், வெண்கல பதக்கம் கைப்பற்றினர்.

மற்றொரு போட்டியில், தமிழகத்தின் அக் ஷன், 14, ராபின், 14 ஆகியோர் அணி, அரையிறுதி போட்டியில் மணிப்பூர் அணியிடம், 24 - 45 என்ற புள்ளி கணக்கில் தோல்வி அடைந்தாலும், வெண்கல பதக்கத்தை கைப்பற்றியது.