அண்ணா பல்கலையின் நான்காவது மண்டல அளவில் மாணவியருக்கான கூடைப்பந்து போட்டி, மேற்கு தாம்பரத்தில் உள்ள பெரி இன்ஸ்டிடியூட் ஆப் டெக்னாலஜி கல்லுாரியில் நேற்று நிறைவடைந்தது.

போட்டியில், நான்காவது மண்டலத்திற்கு உட்பட்ட ஸ்ரீ சாய்ராம், பிரின்ஸ், பெரி, எம்.ஐ.டி., - தாகூர், எஸ்.ஆர்.எம்., வள்ளியம்மை ஆகிய ஏழு அணிகள் பங்கேற்றன.

துவக்கப்போட்டிகள் நாக் அவுட் முறையில் நடந்தன.

இதில் அரையிறுதிக்கு எஸ்.ஆர்.எம்., வள்ளியம்மை, தாகூர், ஸ்ரீசாய்ராம், எம்.ஐ.டி., அணிகள் தகுதி பெற்றன.

நேற்று கா லை நடந்த முதல் அரையிறுதியில், எஸ்.ஆர்.எம்., வள்ளியம்மை அணி, 23 - 4 என்ற கணக்கில் தாகூர் கல்லுாரியையும், மற்றொரு அரையிறுதியில், ஸ்ரீ சாய்ராம் கல்லுா ரி, 13 - 4 என்ற கணக்கில் எம்.ஐ.டி., அணியையும் தோற்கடித்தன.

இதையடுத்து, விறு விறுப்பான இறுதிப் போட்டியில், எஸ்.ஆர்.எம்., வள்ளியம்மை அணி, 19 - 8 என்ற புள்ளி கணக்கில் ஸ்ரீசாய்ராம் கல்லுாரி அணியை தோற்கடித்து, சாம்பியன் கோப்பையை கைப்பற்றியது. தோல்வியடைந்த ஸ்ரீசாய்ராம் கல்லுாரி அணி இரண்டாவது இடத்தை பெற்றது.

முன்னதாக நடந்த மூன்றாம் இடத்திற்கான போட்டியில், தாகூர் பொறியியல் கல்லுாரி அணி, 12 - 11 என்ற கணக்கில் எம்.ஐ.டி., கல்லுாரி அணியை வீழ்த்தி த்ரில் வெற்றியை பெற்றது.