அண்ணா நகர் மண்டலம், 94வது வார்டு, வில்லிவாக்கம் ரயில் நிலையம் அருகில், ரயில்வே சாலை உள்ளது. மத்திய அரசின் ரயில்வேக்கு சொந்தமான இந்த சாலையின் ஒரு பகுதியில், வில்லிவாக்கம் சந்தை செயல்படுகிறது.

இந்த சாலை, குறைந்தபட்ச பராமரிப்பு கூட இல்லாமல், படுமோசமான நிலையில் காட்சியளிக்கிறது.

ஏற்கனவே பல்லாங்குழியான இந்த சாலையில், ஒவ்வொரு மழைக்கும் பகுதிவாசிகள் அவதிப்படுவது வழக்கம்.

தற்போது, பருவமழை துவங்கியுள்ள நிலையில், மழைநீர் தேங்கி, மீண்டும் இந்த சாலை படுமோசமாக காட்சி அளிக்கிறது.

இதனால், அவ்வழியாக செல்வோர் தினமும் விபத்தில் சிக்கி வருகின்றனர்.சம்பந்தப்பட்ட அதிகாரிகள் இதை கண்காணித்து நடவடிக்கை எடுக்க வேண்டும் என, கோரிக்கை வலுத்துள்ளது.