இதில், 19 வயது ஜூனியர் பிரிவில், தமிழக அணி துவக்கம் முதல் சிறப்பான தாக்குதலும், ஒற்றுமையான கூட்டுப்பணியும் வெளிப்படுத்தி, அரையிறுதிக்குள் முன்னேறியது.

முதல் அரையிறுதியில் ஜார்கண்ட் அணியை, 3 - 0 என்ற கோல் கணக்கில் வீழ்த்தி, தமிழக வீரர்கள் இறுதி போட்டிக்கு தகுதி பெற்றனர். மற்றொரு அரையிறுதியில் சத்தீஸ்கர் அணியை, 2-0 என்ற கோல் கணக்கில், உத்தர பிரதேச அணி வென்றது.

இறுதிப்போட்டியில், தமிழக வீரர்கள் ஆட்டத்தை முழுமையாக கட்டுக்குள் வைத்து, உத்தர பிரதேச அணியை, 2 - 0 என்ற கோல் கணக்கில் வீழ்த்தி, தங்க பதக்கம் வென்றனர்.

அதேபோல், 17 வயதினருக்கான சப் - ஜூனியர் பிரிவில் இறுதிப்போட்டியில், தமிழக அணி மகாராஷ்டிராவுடன் மோதியது. கடைசி நிமிடங்கள் வரை பதட்டமாக நடந் த போட்டியில், தமிழக அணி, 0 - 1 என்ற கோல் கணக்கில் தோற்று, வெள்ளிப் பதக்கம் பெற்றது.