நேற்று முன்தினம் நடந்த போட்டியில் ஐ.சி.எப்., அணி, ஏ.ஜி.ஓ.ஆர்.சி., அணிகள் மோதின. போட்டியின் 10வது நிமிடத்தில் ஐ.சி.எப்., அணி வீரர் தேவராஜ் முதல் கோல் அடித்தார். இதனால், முதல் பாதியில் ஐ.சி.எப்., அணி 1 - 0 என்ற கோல் கணக்கில் முன்னணி பெற்றது.விறுவிறுப்பாக நடந்த இரண்டாவது பாதியில், போட்டியின் 64வது நிமிடத்தில் ஐ.சி.எப்., அணியின் ஜெய் கணேஷ் கோல் அடித்தார். அதன் பின், இரு அணிகளின் கோல் முயற்சிகளும் தோல்வியில் முடிந்தன.

ஆட்ட நேர முடிவில் ஐ.சி.எப் அணி 2 - 0 என்ற கோல் கணக்கில், ஏ.ஜி.ஓ.ஆர்.சி., அணியை வீழ்த்தி, அபார வெற்றி பெற்றது.

இந்த போட்டியின் சிறந்த ஆட்டக்காரராக ஐ.சி.எப்., அணியின் ஜெய் கணேஷ் பாராட்டப்பட்டார்.