இது குறித்து பகவான்தாஸ் கொடுத்த புகாரின்படி, அம்பத்துார் போலீசார் வழக்கு பதிந்து, அம்பத்துார், முருகாம்பேடு, பிள்ளையார் கோவில் தெருவைச் சேர்ந்த அஜய் என்கிற அஜித்குமார், 27, என்பவரை கைது செய்து விசாரித்தனர்.

அதில், குண்டாஸ் தண்டனை முடிந்து, கடந்தாண்டு மார்ச் மாதம் சிறையில் இருந்து வெளியே வந்த அஜித்குமார், அன்றைய தினமே தொடர் வழிப்பறியில் ஈடுபட்டு சிறை சென்றார். மீண்டும் தண்டனை காலம் முடிந்து, கடந்த 1ம் தேதி, சிறையில் இருந்து வெளியே வந்த அவர், 2ம் தேதி நள்ளிரவு மதுரவாயலில் 'பல்சர்' பைக்கை திருடி, திருமுல்லைவாயல், அம்பத்துார் உள்ளிட்ட பகுதிகளில், தொடர் வழிப்பறியில் ஈடுபட்டுள்ளார்.

அவரிடம் இருந்து, பைக், மூன்று மொபைல் போன், கைப்பை, இரண்டரை சவரன் தங்க சங்கிலி உள்ளிட்டவற்றை பறிமுதல் செய்த போலீசார், நேற்று மாலை மீண்டும் சிறையில் அடைத்தனர்.