வேளச்சேரி - தாம்பரம் வழித்தடம் 51, டி.என்:01-என்9942 என்ற பதிவெண் கொண்ட மாநகர பேருந்தில், நேற்று ஓட்டுநராக சுதாகர், 41, நடத்துநராக ஜோதி, 40, பணியில் இருந்தனர்.

வேளச்சேரி பேருந்து நிலையத்தில் நிறுத்தி, டிக்கெட் வழங்கும் இயந்திரத்தை ஓட்டுநர் இருக்கை அருகில் வைத்துவிட்டு, இருவரும் சாப்பிட சென்றனர்.

திரும்பி வந்து பார்த்தபோது, டிக்கெட் வழங்கும் இயந்திரம் திருடப்பட்டதை கண்டனர். நடத்துநர் அளித்த புகாரின்படி, வேளச்சேரி போலீசார், திருடி சென்ற நபரை தேடுகின்றனர்.