செங்கல்பட்டு மாவட்டம், தாழம்பூர் பகுதி அடுக்குமாடி குடியிருப்பைச் சேர்ந்தவர் கலைவாணி, 36, இவருக்கு 11 வயது பெண் குழந்தை உள்ளது. இவர் சிறுசேரியில், தனியார் ஐ.டி., நிறுவனத்தில், 10 ஆண்டுகளாக பணிபுரிந்து வந்தார்.

இந்நிலையில், நேற்று முன்தினம் இரவு 10:00 மணிக்கு பணியில் இருந்தபோது, ஐந்தாவது மாடியில் இருந்து குதித்து, தற்கொலை செய்தார்.

அங்கிருந்தவர்கள் அவரை ஏகாட்டூர் தனியார் மருத்துவமனையில் சேர்த்தனர். அங்கு பரிசோதித்த மருத்துவர்கள் கலைவாணி இறந்து விட்டதாக தெரிவித்தனர். தற்கொலைக்கான காரணம் குறித்து கேளம்பாக்கம் போலீசார் விசாரிக்கின்றனர்.