அவர்களது பெயர்களை கட்சியினர் குறித்துக்கொண்டனர். கட்சிக்கொடி, உதயநிதி, ஸ்டாலின் படங்களை கையில் கொடுத்து வரவேற்புக்காக நிறுத்தினர். ரூபாய் 200க்கு ஆசைப்பட்டு பெண்கள், குழந்தைகள் உள்ளிட்டோர் கடும் வெயிலில் காத்திருந்தனர். வேட்பாளர் பிரசாரத்தை முடித்துவிட்டு அடுத்த ஊருக்கு சென்ற பின் கூட்டத்திற்கு வந்திருந்தவர்களுக்கு தலைக்கு, 200 வீதம் பட்டுவாடா செய்யப்பட்டது. ஒரு இடத்தில் கலந்து கொண்டவர்களை மற்ற இடத்திற்கு அழைத்துச் செல்லவில்லை. ஒவ்வொரு கிராமத்திலும் புதிய நபர்களை வரவேற்புக்காக நிறுத்தி வைத்திருந்தனர்.

அ.தி.மு.க.,வும் தாராளம்

நேற்றுமுன்தினம் அ.தி.மு.க., சார்பில் கோவையில் நடந்த கூட்டத்திற்கு பொங்கலுார் பகுதியில் இருந்து சுய உதவி குழு பெண்கள், 100 நாள் வேலைத் தொழிலாளர்களை அழைத்துச் சென்றிருந்தனர். அவர்களுக்கு, 200 ரூபாய் பணம் மற்றும் பிரியாணி வழங்கப்பட்டது.