மது பாரில் அடிதடி

தென்காசி, மேலகடைய நல்லுாரை சேர்ந்தவர் மாடசாமி, 34; கட்டட தொழிலாளி. அவரது நண்பர் ரகுவரனுடன், 38 பீளமேடு பகுதியில் உள்ள 'டாஸ்மாக்' மதுக்கடையில் மது அருந்த சென்றார். அப்போது அவர்களுக்கும், பார் சப்ளையர் பழனிவேல், 53 என்பவருக்கும் இடையே வாக்குவாதம் ஏற்பட்டது. வாக்குவாதம் முற்றிய நிலையில், மூவரும் ஒருவருக்கு ஒருவர் தாக்கிக்கொண்டனர். 3 பேரும் காயம் அடைந்தனர். சம்பவம் குறித்து அறிந்த பீளமேடு போலீசார், மூவர் மீதும் வழக்கு பதிவு செய்து, சிறையில் அடைத்தனர்.