கோவை மாவட்டம் எஸ்.எஸ்.குளம் வட்டாரத்தில், இந்த ஆண்டில் 120 ஏக்கரில் சோளம் பயிரிடப்பட்டுள்ளது. இடிகரை கிராமத்தில், வேளாண் துறை மூலமாக அமைக்கப்பட்டுள்ள சோளம் கோ --32 விதைப்பண்ணையை, விதைச்சான்றளிப்பு மற்றும் அங்கக சான்றளிப்புத்துறை உதவி இயக்குனர் மாரிமுத்து ஆய்வு செய்தார்.

இந்த ஆய்வில் பயிர் விலகு தூரம், கலவன்கள் எண்ணிக்கை பிற ரக பயிர்கள் கலப்பு மற்றும் குறித்தறிவிக்கப்பட்ட நோய் போன்ற காரணிகள் ஆய்வு செய்யப்பட்டன.

சோளம் கோ-32 ரகமானது காரீப் பருவத்துக்கு ஏற்ற ரகமாகும். 110 நாட்களில் முதிர்ச்சியடையும். இதன் மகசூல் ஏக்கருக்கு 960 கிலோவும், தீவன மகசூல் ஏக்கருக்கு 2,600 கிலோ வரை கிடைக்கும். தானியமாகவும், சோளத்தட்டை கால்நடைகளுக்கான தீவனமாகவும் இரட்டிப்பு பயன் தரக்கூடியது. எனவே, சோளம் கோ-32 பயிர் செய்து அதிக மகசூல் பெறலாம் என விவசாயிகளிடம் தெரிவித்தார்.

ஆய்வின் போது, கோவை விதைச்சான்று அலுவலர் பிரியதர்ஷினி, உதவி விதை சான்று அலுவலர் விஜய் மற்றும் சுரேஷ் உள்ளிட்டோர் உடன் இருந்தனர்.