போட்டியை, பி.பி.ஜி., குழும துணை தலைவர் அக்சய், செயல் இயக்குனர் அமுதகுமார், கோவை மாவட்ட ஹேண்ட்பால் சங்க தலைவர் ஜான் சிங்கராயர் ஆகியோர் துவக்கி வைத்தனர்.

மாவட்டத்தின் பல்வேறு பகுதிகளில் இருந்து, 35 பள்ளி அணிகள் பங்கேற்றன. மாணவ - மாணவியருக்கு 17 மற்றும் 19 ஆகிய வயது பிரிவுகளின் அடிப்படையில் போட்டிகள் நடத்தப்பட்டன.

நாக் அவுட் சுற்று முடிவுகள்

மாணவர் 19 வயது பிரிவில் நேஷனல் மாடல் பள்ளி அணி, 18 - 8 என்ற கோல் கணக்கில் டிரினிட்டி பள்ளியையும், ஜி.கே.டி., பள்ளி அணி 20 - 10 என்ற கோல் கணக்கில், பி.வி.பி., பள்ளியையும் வீழ்த்தின.

மாணவியர் 17 வயது பிரிவில், ஆர்.கே.வி., பள்ளி அணி 4 - 1 என்ற கோல் கணக்கில் பி.எஸ்.ஜி.ஆர்., கிருஷ்ணம்மாள் பள்ளியையும், சாவரா வித்யா பவன் பள்ளி அணி 9 - 1 என்ற புள்ளிக்கணக்கில், ஜி.கே.டி., பள்ளியையும் வீழ்த்தின.