பொள்ளாச்சி நந்தனார் காலனி வெள்ளையம்மாள், பொம்மியம்மாள் சமேத மதுரை வீரன் கோவிலில், மஹா கும்பாபிேஷக விழா வரும், 10ம் தேதி துவங்குகிறது.

விழாவை முன்னிட்டு, காலை, 9:00 மணிக்கு மங்கள இசை, வேதபாராயணம், தேவதா அனுக்ஞை, விக்னேஸ்வர பூஜை, கணபதி ேஹாமம், நவக்கிரக ேஹாமம், பூர்ணாஹுதி உள்ளிட்ட சிறப்பு பூஜைகள் நடக்கின்றன.

மாலை, 6:00 மணிக்கு வாஸ்து சாந்தி பூஜை, தீபாராதனையும், 11ம் தேதி காலை, 9:00 மணிக்கு விக்னேஸ்வர பூஜை, மஹாலட்சுமி பூஜை, ரக் ஷா பந்தனம், மாலை, 6:00 மணிக்கு முதல்கால யாகம், மஹா பூர்ணாஹுதி மற்றும் அஷ்டபந்தன மருந்து சாற்றுதல் நிகழ்ச்சி நடக்கிறது.

வரும், 12ம் தேதி காலை, 6:00 மணிக்கு இரண்டாம் கால யாக பூஜை, நாடி சந்தானம், கடம் புறப்பாடு உள்ளிட்ட பூஜைகளும், காலை, 9:00 முதல், 10:00 மணிக்குள் விமான கோபுர மஹா கும்பாபிேஷகம், தீபாராதனை நடக்கிறது. அன்னதானம் வழங்கப்படுகிறது.