ஆம்போதி ஊராட்சி, செல்லப்பம்பாளையம், சாலையூரில், மகா கணபதி, பாலமுருகன், மகா முத்துமாரியம்மன் கோவில் உள்ளது. இக்கோவிலில் பல்வேறு திருப்பணிகள் செய்யப்பட்டு வர்ணம் தீட்டப்பட்டது.

இதையடுத்து, கும்பாபிஷேக விழா வேள்வி பூஜை உடன் வருகிற 16ம் தேதி துவங்குகிறது. காலையில் முடுக்கன் துறை, பவானி ஆற்றுக்கு சென்று புனித நீர் எடுத்து வருதல், மாலையில் முதல் கால வேள்வி பூஜை, இரவு எண் வகை மருந்து சாத்துதல் நடக்கிறது.

வரும் 17ம் தேதி காலை 7:00 மணிக்கு இரண்டாம் கால வேள்வி பூஜை நடக்கிறது.

காலை 9:30 மணிக்கு கணபதி, பாலமுருகன் மற்றும் முத்துமாரியம்மனுக்கு புனித நீர் ஊற்றி கும்பாபிஷேகம் செய்யப்படுகிறது.