மேட்டுப்பாளையம்: மேட்டுப்பாளையம் -- ஊட்டி சாலையில், பர்லியார் வழியாக ஊட்டி, குன்னூர் உள்ளிட்ட பகுதிகளுக்கு செல்லும் சுற்றுலா பயணிகள் பிளாஸ்டிக் கவர்கள் உள்ளிட்ட இதர குப்பைகளை சாலையின் ஓரங்களில் வீசி செல்கின்றனர். இக்குப்பைகள் வனப்பகுதிக்குள் சென்று, வனவிலங்குகளுக்கு பாதிப்பு ஏற்படுத்தும் அபாயம் உள்ளது. இதையடுத்து நூறு நாள் வேலைவாய்ப்பு திட்டத்தின் கீழ், மேட்டுப்பாளையம் -ஊட்டி சாலையில் கல்லார் தூரி பாலம் முதல் பர்லியார் வரை சாலை ஓரங்களில் உள்ள பிளாஸ்டிக் கவர்கள், குப்பை, களை செடிகள் போன்றவைகள் அகற்றப்பட்டு வருகின்றன.