விழாவையொட்டி பிப்., 27ம் தேதி கொடியேற்றுதல், பூச்சாட்டுதல் நிகழ்ச்சி நடந்தது. தொடர்ந்து, இம்மாதம், 5ம் தேதி வரை தினசரி மாலை, 7:00 மணிக்கு கோவில் சுற்றுபூஜை, தீப வழிபாடு நடந்தது. 6ம் தேதி இரவு, 7:00 மணிக்கு ஆபரணம் எடுத்து வருதல், இரவு, 8:00 மணிக்கு அம்மன் அழைத்தல் நடந்தது. 7ம் தேதி மண்ணுடையாருக்கு மரியாதை செலுத்துதல், முத்துடைத்தல், பேச்சியம்மன் விழா துவக்கம், சிரசு எடுத்து வருதல், மயான பூஜை ஆகியன நடந்தன. நேற்று முன்தினம் அதிகாலை சக்தி கரகம், குண்டத்தில் பூ வளர்த்தல் நடந்தது. நேற்றுக்காலை, 5:00 மணிக்கு அக்கினி கரகம் அழைத்தல், 8:00 மணிக்கு பூ மிதித்தல், காலை, 10:00 மணிக்கு அக்னி அபிஷேகம் தொடர்ந்து அன்னதானம் நடந்தது. இம்மாதம், 16ம் தேதி வசந்த பூஜையுடன் விழா நிறைவடைகிறது.