கோவை சவுரிபாளையம் ராஜிவ்காந்தி நகரில், ராஜகணபதி விநாயகர் கோவில் வளாகத்தில் உள்ள கோதண்ட ராமர் கோவிலில், ஸ்ரீ ராமநவமி உற்சவம் நேற்று நடந்தது.

காலை 7:00 மணிக்கு, ஸ்ரீ ராமர் மூலவர் மற்றும் உற்சவர் சிறப்பு திருமஞ்சனம், 7:15க்கு ஹோமம், 10:00 மணிக்கு, லோகநாயகி குழுவினரின் நாம சங்கீர்த்தனம், பஜனை ஆகியவற்றுடன், ஸ்ரீ சீதா கல்யாணம், ராம பட்டாபிஷேகம் ஆகியவை நடந்தன. சுற்றுவட்டாரப் பகுதிகளை சேர்ந்த பக்தர்கள் பங்கேற்றனர்.