தமிழகத்தில் கண்காணிப்பு

பொது சுகாதாரத் துறை இயக்குனர் செல்வவிநாயகம் கூறியதாவது:நிபா வைரஸ், நேரடியாக வவ்வால்களால் மனிதர்களுக்கு பரவும். மேலும், அவற்றின் சிறுநீர், உமிழ்நீர், கழிவுகளாலும், அவை கடித்த பழங்களை உண்பதாலும் நிபா வைரஸ் பரவும்.வவ்வாலால், வீட்டு வளர்ப்பு பிராணிகளுக்கு தொற்று ஏற்பட்டு, அவற்றால் மனிதர்களுக்கும் பரவும். காய்ச்சல் ஏற்பட்டவருடன் நெருக்கமாக இருப்பவர்களுக்கும் நிபா வைரஸ் பாதிப்பை ஏற்படுத்தும்.
தமிழகத்தில் இதுவரை நிபா வைரஸ் பாதிப்பு இல்லை. ஆனால், அண்டை மாநிலத்தில் பாதிப்பு இருப்பதால், தமிழக எல்லை மாவட்டங்களில், 13 சோதனை சாவடிகள் அமைக்கப்பட்டு கண்காணிக்கப்படுகிறது.எனவே, பொது இடங்களுக்கு செல்லும்போது முகக்கவசம் அணிந்திருந்தால், நிபா மட்டுமின்றி, மற்ற தொற்று பாதிப்புகளில் இருந்தும் தற்காத்துக் கொள்ளலாம்.இவ்வாறு அவர் கூறினார்.