கோவை மாவட்ட கிரிக்கெட் சங்கம் சார்பில் 'என் தாமோதரன் வெல்பேர் டிரஸ்ட் கோப்பைக்கான' மூன்றாம் டிவிஷன் கிரிக்கெட் போட்டி பி.எஸ்.ஜி., மருத்துவ கல்லுாரி 'சி' மைதானத்தில் நடந்தது.

இப்போட்டியில் ஜாலி ரோவர்ஸ் ஸ்போர்ட்ஸ் கிளப் மற்றும் மிராக்கில் கிரிக்கெட் கிளப் அணிகள் மோதின.

மிராக்கில் கிரிக்கெட் கிளப் அணி முதலில் விளையாடி 41 ஓவர்களில் 122 ரன்கள் சேர்த்தது. அணிக்காக சம்பத் குமார் (34) பொறுப்பாக விளையாடினார். ஜாலி ரோவர்ஸ் அணியின் நரேன் கார்த்திகேயன் மூன்று விக்கெட்கள் வீழ்த்தினார்.

அடுத்து விளையாடியா ஜாலி ரோவர்ஸ் அணியின் சுஜித் (33) நிதானமாக விளையாட, அந்த அணி 32.4 ஓவர்களில் நான்கு விக்கெட் இழப்புக்கு 123 ரன்கள் எடுத்து வெற்றி இலக்கை கடந்தது.