எஸ்.என்.எஸ்., பாராமெடிக்கல் கல்லுாரி சார்பில் முதலாம் ஆண்டு மாநில அளவிலான விளையாட்டு போட்டிகள் எஸ்.என்.எஸ்., தொழில்நுட்ப கல்லுாரி மைதானத்தில் நடந்தது.

இப்போட்டியில், தமிழகத்தின் பல்வேறு பகுதிகளில் இருந்து, 53 கல்லுாரிகளை சேர்ந்த,2500க்கும் மேற்பட்ட மாணவ - மாணவியர் பங்கேற்றனர்.மாணவ மாணவியருக்கு வாலிபால், கோ கோ, கூடைப்பந்து, இறகுப்பந்து, கால்பந்து, கபடி, டென்னிகாய்ட், த்ரோபால் உள்ளிட்ட போட்டிகள் நடத்தப்பட்டன.

இறுதிப்போட்டி முடிவுகள்:

n மாணவியர் பிரிவில், கோ கோ போட்டியில் எஸ்.என்.எஸ்., பாராமெடிக்கல் கல்லுாரி அணி 11 - 2 என்ற புள்ளிக்கணக்கில் கே.எம்.சி.எச்., பார்மசி அணியை வீழ்த்தியது.

n இறகுப்பந்து போட்டியில் எஸ்.என்.எஸ்., பாராமெடிக்கல் கல்லுாரி அணி 2 - 0 என்ற செட் கணக்கில் இந்துஸ்தான் நர்சிங் கல்லுாரி அணியை வீழ்த்தியது.

n த்ரோபால் போட்டியில் கே.எம்.சி.எச்., கல்லுாரி அணி 2 - 0 என்ற செட் கணக்கில் எஸ்.என்.எஸ்., பாராமெடிக்கல் கல்லுாரியை வீழ்த்தியது.

n டென்னிகாய்ட் போட்டியில் பி.பி.ஜி., பிசியோதெரபி கல்லுாரி அணி 2 - 0 என்ற செட் கணக்கில் எஸ்.என்.எஸ்., கல்லுாரியை வீழ்த்தியது.

n வாலிபால் போட்டியில், பி.பி.ஜி., கல்லுாரி அணி 2 - 0 என்ற செட் கணக்கில் ஸ்ரீ லட்சுமி கல்லுாரியை வீழ்த்தியது.

n மாணவர் பிரிவு கபடியில், தஞ்சாவூர் டாக்டர் கலாம் பார்மசி கல்லுாரி அணி 26 - 25 என்ற புள்ளிக்கணக்கில் கே.எம்.சி.எச்., பார்மசி கல்லுாரி அணியை வீழ்த்தியது.

n கால்பந்தில் கோபி ஸ்ரீ வெங்கடேஸ்வரா பாராமெடிக்கல் கல்லுாரி அணி 3 - 0 என்ற கோல் கணக்கில் வேலுார் சந்தியா ஹெல்த் சயின்ஸ் கல்லுாரியை வீழ்த்தியது.

n வாலிபால் போட்டியில் சேலம், விநாயகா மிசன் கல்லுாரி அணி 2 - 0 என்ற செட் கணக்கில் சென்னை ஜெயா பார்மசி கல்லுாரியை வீழ்த்தியது.

n இறகுப்பந்து போட்டியில் கே.ஜி., பிசியோதெரபி கல்லுாரி அணி 2 - 0 என்ற செட் கணக்கில் ஸ்ரீ அபிராமி பார்மசி கல்லுாரியை வீழ்த்தியது.

வெற்றி பெற்றவர்களுக்கு, துணை கமிஷனர் ஸ்டாலின் பரிசுகளை வழங்கினார். எஸ்.என்.எஸ்., தொழில்நுட்ப கல்லுாரியின் முதல்வர் செந்துாரபாண்டியன், பாராமெடிக்கல் கல்லுாரி முதல்வர்கள் சதீஷ், ராஜா செந்தில் ஆகியோர் பரிசுகளை வழங்கினர்.