நீலகிரி மாவட்டம், ஊட்டி, இத்தலார் பகுதியை சேர்ந்தவர் மணிகண்டன்,42. கோவை, கே.கே.புதுார் பகுதியில் மனைவியுடன் தங்கியிருந்து, தனியார் நிறுவனம் ஒன்றில் டிரைவராக பணியாற்றி வந்தார். மனைவி நடத்தையில் சந்தேகப்பட்டதால் அவர்களுக்கிடையே தகராறு ஏற்பட்டது. இதனால் அவரது மனைவி பிரிந்து சென்று, அதே பகுதியிலுள்ள தாயார் வீட்டில் வசித்தார். கடந்த 2016, ஜூலை, 26 ல், மனைவியை தேடி சென்ற மணிகண்டன், அவரை இரும்பு தடியால் தாக்கினார்.

சாய்பாபா காலனி போலீசார் , மணிகண்டன் மீது கொலை முயற்சி வழக்கு பதிந்து கைது செய்தனர். வழக்கு விசாரணை, கோவை மூன்றாவது கூடுதல் சார்பு நீதிமன்றத்தில் நடந்து வந்தது.

விசாரித்த நீதிபதி வேதகிரி, குற்றம் சாட்டப்பட்ட மணிகண்டனுக்கு, மூன்றாண்டு சிறை, 500 ரூபாய் அபராதம் விதித்து நேற்று தீர்ப்பளித்தார்.

அரசு தரப்பில் சிறப்பு வக்கீல் பி.கிருஷ்ணமூர்த்தி ஆஜரானார்....