பிரதமர் நரேந்திர மோடி நாடு முழுவதும், ரூ.85 ஆயிரம் கோடி மதிப்பிலான, பல்வேறு ரயில்வே திட்டங்களை, நேற்று துவங்கி வைத்தார். அதில் சேலம் கோட்டத்துக்கு உட்பட்ட, 34 ரயில்வே ஸ்டேஷன்களில், 'ஒன் ஸ்டேஷன்; ஒன் புராடக்ட்' என்ற திட்டத்தில், ஸ்டால்கள் திறக்கப்பட்டன.

இந்த திட்டத்தில் கோவை, கோவை வடக்கு, காரமடை, மேட்டுப்பாளையம், போத்தனுார், பீளமேடு ஆகிய ரயில்வே ஸ்டேஷன்களில், 'ஒரு நிலையம்; ஒரு தயாரிப்பு கடைகள்' திறக்கப்பட்டன.

கோவை ரயில்வே ஸ்டேஷனில், நேற்று நடந்த இதற்கான துவக்க விழா நிகழ்ச்சியில், ஸ்டேஷன் இயக்குனர் பங்கஜ் குமார், மாவட்ட நிர்வாக அலுவலர்கள், பிரதிநிதிகள், ரயில் பயனாளர் குழு உறுப்பினர்கள் உள்ளிட்ட பலர் பங்கேற்றனர்.