ஆசிரம குருஜி சிவாத்மா, இறை வழிபாடு செய்து, மாடுகளுக்கு பழம், பொங்கல் கொடுத்து, விழாவை துவக்கி வைத்தார். உதவி பேராசிரியர் கணேசன் வரவேற்றார்.

நந்தனம் அரசு கலைக் கல்லூரி முன்னாள் முதல்வர் நாராயணசாமி பேசுகையில், ''இளைய தலைமுறையினர் பண்பாடும், பாரம்பரியமும் மாறாமல்,தங்களது வாழ்க்கையை அமைத்துக் கொள்ள வேண்டும்,'' என்றார்.

ராமகிருஷ்ணா மிஷன்வித்யாலயா கல்லூரி முன்னாள் பேராசிரியர்வேலுச்சாமி பேசுகையில், ''பிள்ளைகளின் ஈடுபாடும், ஆர்வமும், எதில் அதிகம்இருக்கிறதோ, அத்துறையில் அவர்கள் கல்வி அறிவு பெறவும், தொழில் செய்யவும், கற்றுத் தர வேண்டும். பெற்றோர் தங்களது விருப்பத்திற்கு ஒரு துறையை திணிக்க கூடாது,'' என்றார்.

திருப்பூர் அரசு மகளிர் கலைக் கல்லுாரி முன்னாள் பேராசிரியை ஈஸ்வரி பேசுகையில், ''வயிற்று பசி போக்க, ஆயிரம் மொழிகளை கற்றுக் கொள்ளலாம். ஆனால் உயிர் மூச்சாக தமிழ் இருக்க வேண்டும்,'' என்றார்.

பேராசிரியர் ராமலிங்கம் பேசுகையில், ''உற்சாகமாக ஊக்கத்துடன் எதையும் செய்தால் சாதிக்கலாம்,'' என்றார்.

பணி நிறைவு தலைமை ஆசிரியை சாந்தி பேசுகையில், ''இன்னல்கள் அடுக்கடுக்காய் வந்தாலும், அயராது ஊக்கத்துடன் பணி செய்தால் வெற்றி தானாக வரும்.

கண்கலங்குவதும், மனச்சோர்வும், பயமுமே ஒரு மனிதனை தோல்வியாளனாக ஆக்குகிறது. கோபமே மனிதனின் முதல் எதிரி,'' என்றார்.

பேராசிரியர் சூரிய நாராயணன், சான்றோர்கள் பொன்னாடை அணிவித்து கவுரவிக்கப்பட்டனர். ஆசிரம பொது மேலாளர் சங்கர் உள்பட பலர் பங்கேற்றனர்.