ஹிந்துக்களின் முக்கிய பண்டிகையான, தீபாவளி பண்டிகை வரும், 31ம் தேதி கொண்டாடப்படுகிறது.இதற்காக பொதுமக்கள் புத்தாடை, இனிப்புகள் வாங்க ஆர்வம் காட்டி வருகின்றனர். பட்டாசு கடைகள் அமைப்பதற்கு அனுமதி கோரி பலரும் விண்ணப்பித்துள்ளனர்.

வருவாய்துறை அதிகாரிகள் கூறுகையில்,'பொள்ளாச்சி வருவாய் கோட்டத்தில், பொள்ளாச்சி - 70, கிணத்துக்கடவு - 18, ஆனைமலை - 29, வால்பாறை - 4, என, மொத்தம், 121 தற்காலிக பட்டாசு கடைகளுக்கு அனுமதி கோரி விண்ணப்பித்துள்ளனர். மாவட்ட நிர்வாகத்துக்கு பரிந்துரை செய்யப்பட்டுள்ளது.

மாவட்ட நிர்வாகம் ஆய்வு செய்து கடைகள் அமைக்க அனுமதி வழங்கப்படும். பாதுகாப்பு நடவடிக்கைகள் மற்றும் நிபந்ததனைகளும் கடை அமைக்க உள்ளவர்களிடம் தெரிவிக்கப்படும்,' என்றனர்.