கடந்த, 1ம் தேதி இரவு, திரவுபதியம்மன், தர்மராஜா கோவில் தீர்த்தம் கொண்டு வந்து அம்மன் கொலு வைத்தல், கொடி மரம் கட்டுதல் நிகழ்ச்சி நடைபெற்றது.

தொடர்ந்து சக்தி கும்பம் முத்தரித்து விசேட பூஜைகள் துவங்கப்பட்டன. கடந்த, 4ம் தேதி பூவோடு எடுத்தலை தொடர்ந்து, புண்ணிய தலங்களில் இருந்து தீர்த்தம் கொண்டு வருதல், நிகழ்ச்சி நடைபெற்றது. கடந்த, 12ம் தேதி புலிவேடம் அணிந்து ஆட்டுக்கிடா எடுத்தல், 13ல் புனித ஸ்தலங்களில் இருந்து தீர்த்தம் கொண்டு வருதல், இரவு பூவோடு எடுத்தல் நிகழ்ச்சி நடைபெற்றன.

நேற்றுமுன்தினம் காலை, அம்மன் சப்பரத்தில் ஊர்வலம், மாலையில் தர்மராஜா கோவிலில் பச்சை போடுதல் நிகழ்ச்சி நடந்தது. மாலை, 6:00 மணிக்கு பூக்குண்டம் திறப்பு விழா, இரவு, சிங்க வாகனத்தில் அம்மன் ஊர்வலம், குண்டம் பூ வளர்த்தல் நிகழ்ச்சிகள் நடைபெற்றன.

நேற்று காலை, மல்லிகை பூ உருண்டை குண்டத்தில் உருட்டிய பின், பக்தர்கள் பூக்குண்டம் இறங்கி நேர்த்திக்கடன் செலுத்தினர். பக்தர்கள், கோவிந்தா, கோவிந்தா என கோஷமிட்டு அம்மனை வழிபட்டனர். தொடர்ந்து அன்னதானம் வழங்கப்பட்டது. மாலை, 4:00 மணிக்கு மாவிளக்கு எடுத்தல் நிகழ்ச்சி நடந்தது.

இன்று இரட்டைக்கிடா வெட்டி சக்தி கும்பம் கங்கையில் விடுதலும், நாளை மஹா அபிேஷக ஆராதனை, மஞ்சள் நீராட்டு விழாவும் நடக்கிறது.