இந்த ஆண்டு நடந்த நிகழ்ச்சிக்கு அறக்கட்டளை தலைவர் சீனிவாசன் தலைமை வகித்தார். நரசிம்மநாயக்கன்பாளையம் பேரூராட்சி முன்னாள் தலைவர் ஆனந்தன் முன்னிலை வகித்தார். நிகழ்ச்சியில், தமிழ் வழி மற்றும் ஆங்கில வழி கல்வியில், 10ம் வகுப்பு பொது தேர்வில் அதிக மதிப்பெண் பெற்ற, 6 மாணவ, மாணவியருக்கு ரொக்க பரிசுகள் வழங்கப்பட்டன இதே போல, 400 மதிப்பெண்களுக்கு மேல் பெற்ற, 16 மாணவர்களுக்கும் பரிசுகள் வழங்கப்பட்டன. நிகழ்ச்சியில் பள்ளியின் தலைமை ஆசிரியர் ரகுநாதன், உடற்கல்வி ஆசிரியர் தனக்குமார் உள்ளிட்ட பலர் கலந்து கொண்டனர்.