மாவட்டம் முழுவதும் ஒரே விலையை நிர்ணயம் செய்து சிமென்ட் மற்றும் ஸ்டீல் விற்பனை செய்வது என்று திருப்பூர் மாவட்ட சிமென்ட் மற்றும் ஸ்டீல் வியாபாரிகள் நலச்சங்கம் தீர்மானித்துள்ளது.

புதிதாகத் துவங்கப்பட்டுள்ள இச்சங்கத்தின் நிர்வாகிகள் தேர்வு மற்றும் பொதுக்குழு கூட்டம் கூத்தம்பாளையத்தில் நடந்தது.

தலைவராக ராமசாமி; செயலாளர் மோகன்குமார்; பொருளாளர் இளங்கோ ஆகியோர் ஒரு மனதாக தேர்வு செய்யப்பட்டு பொறுப்பேற்றனர்.

துணை தலைவர் ரமேஷ்; இணை செயலாளர் பாலு மற்றும் 22 செயற்குழு உறுப்பினர்களும் தேர்வு செய்யப்பட்டனர். சங்க முன்னோடி ஸ்ரீனிவாசன் முன்னிலை வகித்தார்.

பின், சங்க முதல் பொதுக்குழு கூட்டம் நடந்தது. சங்க வளர்ச்சி; புதிய உறுப்பினர் சேர்க்கை; மாவட்டம் முழுவதும் ஒரே விலையை நிர்ணயம் செய்து சிெமன்ட் மற்றும் ஸ்டீல் விற்பனை என்பது உள்ளிட்ட பல்வேறு தீர்மானங்கள் நிறைவேற்றப்பட்டன.