விபசாரத்தில் ஈடுபட்ட இருவர் கைது

செல்வபுரத்தை சேர்ந்தவர் லட்சுமணன், 46. இவர், பேரூர் தில்லை நகர் பகுதியில் நின்று கொண்டிருந்தார். அப்போது அங்கு வந்த வாலிபர் ஒருவர், தன்னிடம் அழகான பெண்கள் இருப்பதாகவும், பணம் கொடுத்தால் உல்லாசமாக இருக்கலாம் என்றும் தெரிவித்துள்ளார். லட்சுமணன் செல்வபுரம் போலீசில் புகார் அளித்தார். போலீசார் சம்பவ இடத்திற்கு சென்று அந்த வாலிபரை பிடித்து, விசாரணை நடத்தினர். அதில் அவர், செட்டி வீதியை சேர்ந்த ராகவேந்திரன், 29 என்பது தெரிந்தது. போலீசார் வழக்குப்பதிவு செய்து, ராகவேந்திரன் மற்றும் அவருடன் இருந்த செல்வபுரத்தை சேர்ந்த 30 வயது பெண்ணையும் கைது செய்து, சிறையில் அடைத்தனர்.