கடனை திருப்பி கேட்க சென்றவர் மீது தாக்குதல்

சங்கனுார், காந்தி நகரை சேர்ந்தவர் அருண்குமார், 37. இவர் அதே பகுதியை சேர்ந்த சுதாகர் என்பவருக்கு கடன் கொடுத்திருந்தார். கடனை திரும்ப பெறுவதற்கு, சுதாகர் வீட்டுக்கு சென்றார். அங்கு அவர் இல்லை. சுதாகரின் நண்பர்களான காளி, மணி, சங்கர் ஆகியோர் அங்கிருந்தனர். அவர்கள் அருண்குமாரை மது அருந்த அழைத்து சென்றனர். அப்போது ஏற்பட்ட தகராறில், மூவரும் சேர்ந்து அருண்குமாரை தாக்கினர். காயமடைந்த அவர், அருகில் உள்ள தனியார் மருத்துவமனையில் அனுமதித்தனர். துடியலுார் போலீசார் வழக்கு பதிவு செய்து விசாரிக்கின்றனர்.