வாலிபர் மீது தாக்குதல்

கோவை தெற்கு உக்கடம் புல்லுக்காடு ஹவுசிங் யூனிட்டை சேர்ந்தவர் பசுபதி, 19. இவருக்கும் அதே பகுதியை சேர்ந்த சிலருக்கும் முன்விரோதம் இருந்தது. நேற்று முன்தினம், பசுபதியை சமாதானம் பேசலாம் என, சிலர் அழைத்தனர். பசுபதி புல்லுகாடு பகுதிக்கு சென்றார். அப்போது அங்கிருந்த சிறுவர்கள் உட்பட மூவர் பசுபதியை தாக்கினர். பின்னர் அவரை மிரட்டி விட்டு அங்கிருந்து தப்பினர். இதுகுறித்து பசுபதி கடைவீதி போலீசாரிடம் புகார் அளித்தார். போலீசார் வழக்குப்பதிந்து விசாரித்தனர். அதில் முன்விரோதத்தில் பசுபதியை தாக்கியது, புல்லுக்காடு தகரசெட் பகுதியை சேர்ந்த ராமச்சந்திரன், 24 மற்றும் இரு சிறுவர்கள் எனத் தெரிந்தது. ராமசந்திரனை சிறையில் அடைத்த போலீசார், சிறுவர்களை சிறார் கூர்நோக்கு இல்லத்துக்கு அனுப்பி வைத்தனர்.