மரங்கள் பட்டுப்போகின்றன. வளர்ந்த மரங்களின் ஓலைகள் சுருண்டு விடுகின்றன. தேங்காய் விளைச்சல் குறைந்து வருவதால், தேங்காய் விலை தற்போது கிலோ, 60 ரூபாய் அளவிற்கு உயர்ந்துள்ளது.

ஆனைமலை தேங்காய் உற்பத்தி விவசாயிகள் சங்க இயக்குனர் மோகன்ராஜ் கூறியதாவது:

தென்னையில் கேரள வேர் அழுகல் நோய் தாக்குதல் அதிகரித்துள்ளது. இதனால் விளைச்சல் இருக்காது. சர்வதேச அளவிலும் தேங்காய் விலை உயர்ந்துள்ளது. அம்பாரம்பாளையம், பாலக்காடு ரோடு, மீனாட்சிபுரம், குடிமங்கலம், உடுமலை போன்ற பகுதிகளிலும் விளைச்சல் குறைந்துள்ளது; விலை உயர்ந்துள்ளது. கொப்பரை விலையும், கிலோ 160 ஆக உயர்ந்துள்ளது. மே, ஜூன் மாதத்தில் விலை இன்னும் ஏற வாய்ப்புள்ளன. ஏப்ரல், மே மாதத்தில் இளநீர் விலை 50 ரூபாய் வரை உயரும்.

இவ்வாறு, அவர் தெரிவித்தார்.