பொள்ளாச்சி, கிணத்துக்கடவு, உடுமலை தென்னை விவசாயம் பிரதானமாக உள்ளது. இந்நிலையில், நெகமம் ஒழுங்குமுறை விற்பனை கூடத்தில் நேற்று நடந்த ஏலத்தில், 273 கொப்பரை மூட்டைகள் (50 கிலோ), 29 லட்சத்து 12 ஆயிரத்து 369 ரூபாய்க்கு விற்பனையானது.

முதல் தர கொப்பரை ஒரு கிலோ, 210.35 முதல் 220.20 ரூபாய் வரை விற்பனையானது. இரண்டாம் தர கொப்பரை, 157.19 முதல் 185.35 ரூபாய் வரை விற்பனையானது. ஏலத்தில், 19 விவசாயிகள் மற்றும் 9 வியாபாரிகள் பங்கேற்று பயனடைந்தனர்.

இத்தகவலை, விற்பனைக்கூட கண்காணிப்பாளர் ஜெயராம கிருஷ்ணன் தெரிவித்தார்.