ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது.முதல் தர கொப்பரை, 45 மூட்டைகள் ஏலம் விடப்பட்டதில் கிலோவுக்கு, 170.10 முதல், 178.10 ரூபாய் வரை விலை கிடைத்தது.

இரண்டாம் தர கொப்பரை, 70 மூட்டைகள் ஏலம் விடப்பட்டதில், கிலோவுக்கு, 115.20 முதல், 152.10 ரூபாய் வரை விலை கிடைத்தது.மொத்தம், 115 கொப்பரை மூட்டைகளை, 31 விவசாயிகள் கொண்டு வந்தனர்; ஐந்து வியாபாரிகள் ஏலத்தில் பங்கேற்றனர்.

இந்த வாரம், 7.76 லட்சம் ரூபாய் மதிப்பிலான மொத்தம், 51.75 குவிண்டால் கொப்பரை ஏலத்துக்கு கொண்டு வரப்பட்டன. வெளிமார்க்கெட்டில் கொப்பரை விலை உயர்ந்து வருவதால், ஒழுங்குமுறை விற்பனைக்கூட ஏலத்தில், அதிகபட்ச விலை கிடைக்கிறது. இத்தகவலை விற்பனை கூட கண்காணிப்பாளர் தெரிவித்தார்.