பள்ளி மாணவர்களுக்கு அறிவியல் ஆய்வுத்திறன், கணிதம், மொழித்திறனை ஊக்குவிக்கும் வகையில், 'தினமலர்' நாளிதழ் சார்பில், மாணவர் பதிப்பான 'பட்டம்' இதழ் வெளியிடப்படுகிறது.

திங்கள் முதல் வெள்ளி வரை, பட்டம் இதழ் தினமும் பள்ளிகளில் கிடைக்கும். இதை வாசிக்கும் மாணவர்களை உற்சாகப்படுத்தவும், அவர்களின் கற்றல் சார்ந்த தேடலை விரிவுப்படுத்தும் வகையிலும், 2018 முதல், 'மெகா வினாடி - வினா' போட்டி நடத்தப்படுகிறது.

தமிழகம் மற்றும் புதுச்சேரி பள்ளி மாணவர்கள், அமெரிக்காவின் விண்வெளி ஆய்வு மையமான, 'நாசா'வுக்கு நேரில் செல்லும் வாய்ப்பை வழங்கும் வகையில், 'தினமலர்' நாளிதழ் மாணவர் பதிப்பு, 'பட்டம்' இதழ் சார்பில், வினாடி - வினா போட்டி நடத்தப்படுகிறது.

நடப்பாண்டுக்கான போட்டி, இந்துஸ்தான் கல்வி குழுமத்துடன் இணைந்து, கோவை, திருப்பூர், நீலகிரி மாவட்டங்களை சேர்ந்த, 150 பள்ளிகளில் நடக்கிறது. இப்போட்டிகளை, 'கோலோ' நிறுவனம் மற்றும் 'சத்யா ஏஜன்சி' இணைந்து வழங்குகிறது.

பொள்ளாச்சி அருகே ஆனைமலை சின்னப்பம்பாளையம் அன்னை மெட்ரிக்குலேசன் பள்ளியில் நடந்தது. முதல் சுற்றில், 200 மாணவர்கள் பங்கேற்றனர். அதிக புள்ளிகள் பெற்ற, 16 பேரை, எட்டு அணிகளாக பிரித்து இறுதிச்சுற்று போட்டி நடந்தது.

மூன்று கட்டங்களாக நடந்த இப்போட்டியில், முதல் பரிசை, 'ஏ' அணியை சேர்ந்த மாணவர்கள் அனுஸ்ரீ, இனிகா ஆகியோர் வென்றனர்.

போட்டியில் பங்கேற்ற மாணவ, மாணவியரை பள்ளி முதல்வர் முத்துலட்சுமி மற்றும் ஆசிரியர்கள் பாராட்டி, சான்றிதழ்கள் மற்றும் பதக்கங்களை வழங்கினர்.

தேர்வு செய்வது எப்படி?

பள்ளி அளவில் முதலிடம் பிடிக்கும் மாணவர்களுக்கு அரையிறுதி போட்டி நடத்தப்படும். இதில், இருந்து எட்டு அணிகள் தேர்ந்தெடுக்கப்பட்டு, இம்மாதம் இறுதிப்போட்டி நடத்தப்படும். இறுதிப்போட்டியில் முதல் பரிசு பெறும் இரு மாணவர்களுக்கு, அமெரிக்காவின், 'நாசா' வை சுற்றி பார்க்கும் அரிய வாய்ப்பு கிடைக்கும். இரண்டாமிடம் பிடிக்கும் இரண்டு மாணவர்களுக்கு, 'லேப்டாப்'; மூன்றாமிடம் பிடிக்கும் இருவருக்கு, 'டேப்லெட்' மற்றும் நான்காம் பரிசாக, 10 மாணவர்களுக்கு, 'ஸ்மார்ட் வாட்ச்' வழங்கப்படும்.

வெற்றி பெற்ற, 'டாப்' 25 அணிகளை சேர்ந்த, 50 மாணவர்களுக்கு ஆறுதல் பரிசும், சான்றிதழும் வழங்கப்படும்.

அறிவுத்திறன் மேம்படும்

பள்ளி முதல்வர் கூறியதாவது:

'தினமலர்' நாளிதழ் 'பட்டம்' இதழ் நடத்திய, பொது அறிவு வினாடி - வினா போட்டிகள், பள்ளி மாணவர்களின் அறிவுத்திறன், புத்திக்கூர்மை மற்றும் நினைவாற்றலை அதிகரிக்கும் விதமாக உள் ளது.

குழந்தைகளின் முழுத்திறனையும் வெளிப்படுத்த இப்போட்டிகள் உதவியாக இருந்தது. 'பட்டம்' இதழ் மாணவர்களின் அறிவுறுத்தின் மேம்படுத்தும் வகையில் பல்வேறு விஷயங்களை உள்ளடக்கியுள்ளது.

இவ்வாறு, அவர் கூறினார்.