இந்நிலையில் கடந்த இரண்டு நாட்களாக மர்ம நபர்கள் இரவு நேரத்தில் லோடு கணக்கில் பல்வேறு கழிவுகளை கவுசிகா நதி பள்ளத்தில் கொட்டி விட்டு சென்றுள்ளனர். காலையில் புனரமைப்பு பணிக்காக வந்த தன்னார்வலர்கள் இதை பார்த்து அதிர்ச்சி அடைந்தனர்.

இதுகுறித்து அவர்கள் கூறுகையில்,' பல லட்சம் மக்களின் விருப்பம் கவுசிகா நதியை மீட்டெடுப்பது தான். அதற்காக பல்வேறு அமைப்புகளின் ஒத்துழைப்போடு புனரமைக்கும் பணி நடந்து வருகிறது. அதற்கு இடையூறாக லோடு கணக்கில் குப்பை கொட்டப்படுகிறது. மாவட்ட நிர்வாகம், காவல்துறை மற்றும் உள்ளாட்சி அமைப்புகள் இணைந்து குப்பை கொட்டுவோரை கண்டறிந்து, தடை செய்து, உரிய நடவடிக்கை எடுத்து புனரமைப்பு பணிக்கு ஒத்துழைப்பு தர வேண்டும்,' என்றனர்.