37வது ஐ.எம்., நார்ம் போட்டி வரும், 22 முதல், 28 வரையும், 38வது போட்டி, 30 முதல் டிச., 6 வரையும், 39வது போட்டி டிச., 8 முதல், 14 வரையும், 40வது போட்டி டிச., 16 முதல், 22ம் தேதி வரையும் நடக்கிறது.

சக்தி குழுமம் ஆதரவுடன் நடக்கும் இப்போட்டியில், பெலாரஸ், பெரு, அர்ஜென்டினா, கொலம்பியா, கியூபா நாடுகளை சேர்ந்த தலா ஒருவர், தமிழகத்தில் இருந்து மூவர், மகாராஷ்டிரா, குஜராத் மாநிலங்களில் இருந்து தலா ஒருவர் என, 10 பேர் விளை யாடுகின்றனர். இதில், கோவை வீரர் கிரிமன் இரண்டு புள்ளிகள் பெற்று முன்னிலையில் உள்ளார்.

போட்டியில், கோவை வீரர் கிரிமன், கொலம்பியாவின் ஐ.எம்., வில்சன் கில்லெர்மோ பாலென்சியா மோராலஸை வென்றார். குஜராத்தை சேர்ந்த விவான் விஷால் ஷா, விருதுநகர் வீரர் குமரேசை வென்றார். சென்னை வீரர் ஹரி கணேஷ், கிராண்ட் மாஸ்டர் பெலாரஸ் வீரர் எவ்ஜெனீ போடோல்சென்கோவிடமும் தோல்வியை சந்தித்தார்.

கியூபாவின் ஐ.எம்., டயாஸ்மனி ஓடெரோ அகோஸ்டா, மகாராஷ்டிராவின் ஜெய்வீர் மஹேந்திருவை வீழ்த்தினார். இரண்டாம் சுற்று முடிவில், கோவை வீரர் கிரிமன் இரண்டு புள்ளிகளும்,பெலாரஸ் கிராண்ட்மாஸ்டர் எவ்ஜெனீ போடோல்சென்கோ, கியூபாவை சேர்ந்த சர்வதேச மாஸ்டர்(ஐ.எம்.,) டயாஸ்மனி ஓடெரோ அகோஸ்டா ஆகியோர் தலா, 1.5 புள்ளிகள் பெற்றுள்ளனர்.

கொலம்பியா வீரர் வில்சன், குஜராத் வீரர் விவான் விஷால் ஷா, சென்னை வீரர் ஹரி கணேஷ் ஆகியோர் தலா ஒரு புள்ளியும், விருதுநகர் வீரர் குமரேஷ், அர்ஜென்டினா வீரர் ரவுல் கிளவெரி ஆகியோர் தலா 0.5 புள்ளியும் பெற்றுள்ளனர். தொடர்ந்து போட்டிகள் நடக்கின்றன.