இந்த விவகாரம் குறித்து கோவை மக்களிடம் பேசினோம்...

'மனநலத்திற்கு தீங்கு'

ஆசிரியர்கள் தங்கள் பணியறிவைப் பின்பற்றாமல் இவ்வாறு நடந்துகொள்வது கண்டிக்கத்தக்கது. மாணவியின் மனநிலையை இது பெரிதும் பாதிக்கக்கூடும்.

- ராமசாமி,56, தனியார் கல்லூரி ஊழியர்

'இது எந்த காலம்'

இது நவீன காலமா, இல்லை அறிவு இல்லாத காலமா? தொழில்நுட்பம் வளர்ச்சி அடைந்து இருக்கும் சமயத்தில், ஒரு பள்ளியில் இப்படி நடந்தது மிகவும் வருத்தமளிக்கிறது.

- வெள்ளியங்கிரி, 56

சலூன் கடை உரிமையாளர்

'எங்கள் காலத்திலேயே இல்லை'

மாதா மாதம் மாதவிடாய் ஏற்படும். ஒவ்வொரு முறையும் இப்படியா நடத்தப்போகிறார்கள்? நாங்கள் படித்த காலத்திலும், இதுபோன்ற நிகழ்வுகள் இல்லையே.

- சரஸ்வதி,55, தனியார் ஊழியர்

'இப்படி நடக்கலாமா?'

ஆண், பெண் என்று வித்தியாசம் இல்லாமல், ஒரே வகுப்பில் படிக்கிறோம். அதே சமயம் மாதவிடாய் காரணமாக ஒருவரை தனிமைப்படுத்துவதுஅசிங்கமானது.

- மேகா,21, கல்லூரி மாணவி

'இது தீட்டா?'

இன்றும் எங்களை, இந்த சமூகம் வேறுபடுத்திப் பார்க்கிறது. பருவம் அடைவது ஒரு இயற்கை நிகழ்வுதானே? அதற்காக புறக்கணிப்பது எந்த நியாயம்?

- மானசா,26, திருநங்கை

'இப்படி செய்வாங்களா?'

அந்த மாணவியின் மனநிலை, எவ்வளவு பாதிக்கப்பட்டிருக்கும்? ஆண்கள் கூட இப்படி செய்ய மாட்டார்கள். பெண் ஆசிரியை செய்தார் என்பது, வெட்கம் தரும் செயல்.

- பிரணவ் விநாயக்,20, கல்லூரி மாணவர்

'இது என்ன நோயா?'

மாணவியை இவ்வாறு நடத்தியது, மனிதநேயம் இல்லாத செயல். இப்படி ஒரு சமயத்திலும் மாணவிக்கு ஆதரவு அளிக்காமல், தனிமைப்படுத்துவது தவறு. இது என்ன தொற்று நோயா?

- ஜெயஸ்ரீ,22, கல்லுாரி மாணவி

'தொடர வேண்டாமே'

எங்கள் அம்மா காலத்தில், இந்த கட்டுப்பாடுகளை நாங்கள் பின்பற்றுவதில்லை. இன்றைய தலைமுறையில் இவை ஏற்கக்கூடியவை அல்ல. இந்த பழக்கங்கள் இன்னும் தொடருவது வேதனையானது.

- சுபாஷினி,25

கல்லூரி மாணவி

'சிந்தனையிலேயே பின்னடைவு'

இது ஒரு பின்தங்கிய எண்ணப்போக்கைக் காட்டுகிறது. பருவமடைவது என்பது இயற்கையான ஒன்று. மாணவியை தனிமைப்படுத்தி. ஒடுக்குமுறையை ஏற்படுத்தியுள்ளனர். கல்வித்துறை இவ்விதமான சம்பவங்கள், மீண்டும் நடக்காதபடி கண்காணிக்க வேண்டும்.

- லதா,65

முன்னாள் கல்வித்துறை அதிகாரி

'முற்போக்கு பேச்சில்தா'

நாம் முற்போக்கு சமூகத்தில் வாழ்கிறோம் என்று பேசிக்கொண்டிருக்கிறோம். ஆனால் இப்படி நடக்கும் அவலங்களைப் பார்க்கையில் கோபம் வருகிறது.

- துரைராஜ்,55, டிராவல்ஸ் ஊழியர்

'கேவலமான செயல்'

உலகம் எங்கேயோ சென்று கொண்டிருக்கும்

தற்போதைய அதிநவீன காலத்தில், இதுபோன்ற செயல்கள் மிக மிக கேவலமானது. மீண்டும் கற்காலத்திற்கு செல்கிறோமா என எண்ண தோன்றுகிறது.

- ரேணுகா, ௩௯, தனியார் வங்கி ஊழியர்