வால்பாறை வாழைத்தோட்டம் ஐயப்ப சுவாமி கோவில், 65ம் ஆண்டு மண்டல பூஜை திருவிழா, வரும், 11ம் தேதி கொடியேற்றத்துடன் துவங்குகிறது. விழாவை சிறப்பாக நடத்துவது குறித்த நிர்வாகிகள் ஆலோசனைக்கூட்டம் கவுரவ தலைவர் கிருஷ்ணாஷ்சுதீர் தலைமையில் நடந்தது. தலைவர் பிரசன்னா, செயலாளர் காயத்திரிராஜன் ஆகியோர் முன்னிலை வகித்தனர். விழா கமிட்டி செயலாளர் சுனில் வரவேற்றார்.

கூட்டத்தில், இந்த ஆண்டு மண்டல பூஜை திருவிழா டிசம்பர் மாதம், 11ம் தேதி காலை கொடியேற்றத்துடன் துவங்குகிறது. தொடர்ந்து, 16ம் தேதி வரை விழா சிறப்பாக நடத்துவது குறித்து ஆலோசிக்கப்பட்டது.

துணைத்தலைவர் மனோகரன், துணை செயலாளர் ரவி, பொருளாளர் குட்டன்திருமேனி, விழா கமிட்டி தலைவராக சேகர், உள்ளிட்ட நிர்வாகிகள் கலந்து கொண்டனர்.

மகளிர் அணியின் புதிய தலைவராக செல்வி, துணைத்தலைவராக முத்துலட்சுமி, செயலாளராக சசிக்கலா, துணை செயலாளராக கார்த்தியாயினி, பொருளாளராக உஷா, துணை பொருளாளராக சிஜி உள்ளிட்டோர் தேர்வு செய்யப்பட்டனர்.