நேற்று மாலை கோவில் வளாகத்தில் நகர சோதனை, வாஸ்து சாந்தி, அங்குரார்ப்பனம் நடந்தது. செயல் அலுவலர், அறங்காவலர்கள், கட்டளைதாரர்கள் மற்றும் பக்தர்கள் பங்கேற்றனர்.

இன்று (4ம் தேதி) காலை, பெருமாளுக்கு திருகாப்பு கட்டுதலும், காலை 8:00 மணிக்கு கொடியேற்றமும் நடக்கிறது. இரவு 8:00 மணிக்கு, பெருமாள் அன்ன வாகனத்தில் திருவீதியுலா வந்து அருள் பாலிக்கிறார். வருகிற பிப்., 7ம் தேதி வரை, தினமும் காலை 7:00 மணிக்கும், இரவு 8:00 மணிக்கும் பெருமாள் வெவ்வேறு வாகனங்களில் திருவீதியுலா வந்து அருள்பாலிக்கிறார். வரும் 8ம் தேதி காலை 10:00 மணிக்கு அம்மன் அழைத்தலும், சுவாமி திருக்கல்யாண உற்சவமும் நடக்கிறது.

வரும் 9ம் தேதி இரவு யானை வாகனத்தில் பெருமாள் திருவீதி உலா நடக்கிறது. வரும் 10ம் தேதி காலை 11:00 மணிக்கு தேரோட்டம் துவங்குகிறது.