கிணத்துக்கடவு, தினசரி காய்கறி மார்க்கெட்டில் நேற்று (18ம் தேதி) வாழைத்தார் ஏலம் நடந்தது. செவ்வாழை கிலோ - 40, நேந்திரன் --- 20, பூவன் --- 35, கதளி --- 38, ரஸ்தாளி --- 42 மற்றும் சாம்பிராணி வகை வாழைத்தார் --- 45 ரூபாய்க்கு விற்பனையானது.

கடந்த வாரத்தைக் காட்டிலும், செவ்வாழை கிலோவுக்கு, 30 ரூபாய் விலை சரிந்துள்ளது. நேந்திரன் கிலோ -- 5, பூவன் --- 10, கதளி --- 3 மற்றும் ரஸ்தாளி -- 2 விலை அதிகரித்துள்ளது. செவ்வாழை விலை சரிவு விவசாயிகளிடையே அதிர்ச்சியை ஏற்படுத்தியுள்ளது.

வியாபாரிகள் கூறுகையில், 'மார்க்கெட்டில் நேற்று, 100 முதல் 150 வாழைத்தார்கள் மட்டுமே வரத்து இருந்தது. கடந்த வாரத்தை காட்டிலும் வரத்து குறைவாகவே இருந்தது. வரும் நாட்களில் விலை அதிகரிக்கும் என எதிர்பார்க்கப்படுகிறது,' என்றனர்.