மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது. கடந்த சில நாட்களாக அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.2,800 முதல் ரூ.3,000 வரை விற்பனை ஆனது. அதன் பின் மெல்ல மெல்ல விலை குறைந்து வந்தது.

இதனிடையே கடந்த 21ம் தேதி மூட்டை ஒன்று ரூ.2,300க்கு அதிகபட்சமாக விற்பனை ஆனது. அதன் பின் மூட்டைக்கு ரூ.730 வரை விலை சரிந்து, நேற்று ரூ.1,570 க்கு விற்பனை ஆனது. வரத்து அதிகரிப்பால் விலை குறைந்துள்ளதாக வியாபாரிகள் தெரிவித்தனர்.

---