'இன்டர் பாலிடெக்னிக் அதலெடிக் அசோசியேஷன்'(ஐ.பி.ஏ.ஏ.,) தமிழ்நாடு மற்றும் புதுச்சேரி மாநில அளவிலான பேட்மின்டன் போட்டி, பி.எஸ்.ஜி., பாலிடெக்னிக் கல்லுாரியில் நடந்தது. இதில், 11 டிவிஷன் அணிகள் பங்கேற்றன.

பல்வேறு சுற்றுகளை அடுத்து நடந்த இறுதிப்போட்டியில், பி.எஸ்.ஜி., பாலிடெக்னிக் கல்லுாரி(கோவை டிவிஷன்) அணி, 2-0 என்ற செட் கணக்கில் சென்ட்ரல் பாலிடெக்னிக் கல்லுாரி அணியை(சென்னை டிவிஷன்) வென்று, முதலிடம் பிடித்தது.

மூன்று மற்றும் நான்காம் இடத்துக்கான போட்டியில், அரசன் கணேசன் பாலிடெக்னிக் கல்லுாரியும்(மதுரை டிவிஷன்), அன்னை வேளாங்கண்ணி பாலிடெக்னிக் கல்லுாரியும்(நாகை மற்றும் புதுச்சேரி டிவிஷன்) மோதின.

இதில், 2-0 என்ற செட் கணக்கில், அரசன் கணேசன் கல்லுாரி அணி வெற்றி பெற்றது. வெற்றி பெற்றவர்களுக்கு, கல்லுாரி முதல்வர் கிரிராஜ் பரிசுகள் வழங்கினார்.