நெகமம் அருகே உள்ள காட்டம்பட்டி ஊராட்சிக்கு உட்பட்ட காட்டம்பட்டிபுதூரில் உள்ள ஸ்ரீதேவி பூதேவி சமேத கரி வரதராஜ பெருமாள் கோவிலில், புரட்டாசி மாத மூன்றாம் சனிக்கிழமையை முன்னிட்டு இன்று (4ம் தேதி) சிறப்பு பூஜைகள் நடக்கிறது.

இதில், காலை, 10:00 மணிக்கு, மூலவர் திருமஞ்சனம், காலை, 10:30 மணிக்கு, அலங்கார பூஜைகள் நடக்கிறது. காலை 11:00 மணிக்கு, புதிய தேரில் உற்சவர் எழுந்தருளி கோவில் பிரகாரம் சுற்றி பவனி வரும் நிகழ்வு நடக்கிறது.

மதியம், 12:00 மணிக்கு, படையல் வழிபாடு நடக்கிறது. மதியம், 12:30 மணிக்கு, தீபாராதனை, தீர்த்த பிரசாதம் வழங்குதல் மற்றும் ஜடாரி ஆசிர்வாதம் உள்ளிட்டவைகள் நடக்கிறது. தொடர்ந்து மதியம் 1:00 மணிக்கு, அன்னதானம் வழங்கப்படுகிறது.