அன்னூர் ஊராட்சி ஒன்றியத்தில் தூய்மை பாரத இயக்கம் செயல்படுத்தப்பட்டு வருகிறது.

இதில் ஆம்போதி ஊராட்சியில் திப்பநாயக்கன்பாளையம், காரேகவுண்டன்பாளையம் ஊராட்சியில் கெம்பநாயக்கன்பாளையம், மசக்கவுண்டன் செட்டிபாளையம் ஊராட்சியில் செந்தாம் பாளையத்தில் குப்பைகளை தரம் பிரிக்கும் கொட்டகை அமைக்க தலா 2 லட்சம் வீதம் 6 லட்சம் ரூபாய் ஒதுக்கப்பட்டுள்ளது.

இதே திட்டத்தில் பிளாஸ்டிக் சேகரிக்கும் கொட்டகை அமைக்க, கரியாம்பாளையம், காட்டம்பட்டி, குப்பனூர், மசக்கவுண்டன் செட்டிபாளையம், காரே கவுண்டன்பாளையம், குன்னத்தூர், வடவள்ளி, பிள்ளையப்பம்பாளையம் என எட்டு ஊராட்சிகளில் தலா 2 லட்சம் ரூபாய் செலவில் கொட்டகை அமைக்க 16 லட்சம் ரூபாய் ஒதுக்கீடு செய்யப்பட்டுள்ளது.

இதில் மொத்தம் 22 லட்சம் ரூபாய் நிதி ஒதுக்கப்பட்டு தற்போது பணி துவங்க டெண்டர் விடப்பட்டுள்ளது.